روايه غفله لكاتبتها سهيله سعيد
من جيلك وحتى الكبار .. عايش الدنيا ب طولها وعرضها وزي متيجي هو احنا هنعيشها كام مرة .. بس ليه بقا مش عامل ل اخرتك
رامي انا قلت اني لسة صغير .. يعني متمتعش ب الدنيا والي فيها
الشيخ وليه المتعة بالنسبالك الحړام بس .. ليه مبتبصش للحلال .. دة حتى طعمه احلى ب كتير .. كلنا ف غفلة .. بس هييجي علينا الوقت الي نفوق منها .. بعد يوم .. اسبوع .. شهر .. سنة .. بس ي ترى هانلحق ولا ﻷ .. هنلحق نصلح غلطاتنا .. هانلحق نقابله واحنا نضاف .. ولا هانخاف نقابله .. انت كدة كدة رايحله .. إن لله .. وإن اليه راجعون .. مهما عملنا خير مهما عملنا شړ بردوا هنرجعله ف الاخر .. يوم دفنتك .. الناس كلها هاتمشي .. الي زعل زعل والي عيط عيط والي صوت صوت والي دعالك دعا .. طب ف الاخر .. كله هيمشي بعد نزولك .. هتنده عليهم .. هتقولهم متمشوش .. بس محدش هيسمعك .. الكل هيسيبك .. هتتردلك روحك و هيقوموك ملكين .. مهما اتحكالك عن شكلهم محدش هايقدر يوصفلك الړعب الي هتشوفه فيهم .. هيسألوك أسالة مافيش اسهل منها بس مش اي حد بيعرف يجاوب عليها مهما حفظت فيها ومهما شفتها سهلة .. لو انت مؤمن هتعرف تجاوب .. بس لو ع وضعك دة .. هاتقوله ايه .. هتقول معرفش انا سمعتهم بيقولوا وقلت زيهم .. ساعتها ربنا مش هيأذن انه يتفتحلك ابواب السما ولا ابواب الرحمة
الشيخ اهون .. اهون ازاي بيتهيقلك .مش اهون خالص للي معملش حساب الاخرة دي .. ناس كتير بتقول المۏت راحة يارب خدني وريحني .. طب لما تبقا قاعد كدة زي الفل مافيش فيك حاجة وفجأة تشوف ملايكة حواليك .. وملك المۏت واقف عند راسك وانت جسمك زي المتخدر مش عارف تتحرك كأنك مشلۏل .. تبقا هاين عليك حتى تقوله اديني 5 دقايق بس اصلي فيهم ركعتين يمكن ربنا يغفرلي اي غلطة عملتها .. يمكن يقبل توبتي .. بس دة مش هايحصل .. هاتشوف روحك وهي بتطلع قصاد عينك .. تبقا مش عارف تمسكها ولا تقولها ارجعي هاتروحي ل ربك تقوليلوا ايه .. هاتقولي ايه .. طب ايه الفرق بينك وبين الكافر كدة .. الفرق انك انت عارف معلومات عن دينك وماشي ب معظمها كمان .. ماشي ب الي ييجي ع هواك .. بس انتوا الاتنين مبتسجدوش ل ربكم .. ودة وجه تشابه بينكم .. ودي اول حاجة هتندم عليها صلاتك .. الي كنت بتكسل ف الشتا وانت قاعد تحت اللحاف وسقعان .. ولا نايم ف نص اليوم عدى وتقول هابدء من بكرة واليوم يعدي بردوا وهاكذا .. ازاي فوتها .. ازاي ربك ينده عليك عشان تقابله ف صلاتك وتتكلم معاه وتشكيله فيها وتدعيله ي مؤمن بالله ومتقومش .. انت لو امك ندهت عليك بتجري تشوفها عاوزة ايه .. ازاي ربك .. ربك الي خلقك ينده عليك كل يوم 5 مرات .. 5 مرااات .. ومتقمش .. تكسل او تسمع اذانه وتكمل نوم وتطنش .. ازاي لما ندهك مقلتش حاضر ي رب وقمت .. طب انت متأكد انك هتقدر .. هتقدر تقف قصاده كدة وانت مستعد .. طيب هاتقوله ايه .. طب صحابك الي دايما معاك سهران سکړان معاهم لازقين ل بعض لهيينك عن اخرتك والحلو الي ف دنيتك .. هايبقوا فين ساعتها .. هيدفنوا بدالك .. ﻷ .. هيتعذبوا بدالك .. ﻷ .. مش هايبقوا موجودين ساعتها .. والقرأن .. كان هيحصلك ايه لو كل يوم قريت صفحة واحدة بس صفحة .. كان هيونسك ف قپرك وينورهولك .. انت متعرفش يعنى ايه وحشة القپر من غير القرأن .. قدامك لسه تصلح حالك
رامي طب اعمل ايه
الشيخ متخليش الدنيا تغرك .. و أوعي تفتكرها دايمة .. بتروح ف غمضة عين والله .. خليك
