روايه قوه روح لكاتبتها فاطمه عيد

تيجى تغسله .. عند نيران عرض الازياء ابتدى وهى قاعده فى الاوضه لسه ملبستش وقلبها بيدق جامد وبتتنفس بصوت مسموع وحاسه پخنقه غير طبيعيه وعلى تكه وهتعيط .. مريم خلصت لبس وكل رجال الاعمال حضروا الحفله والمفروض عرض الازياء يبدأ فى خلال نص ساعه .. مريم تروح لنيران وتخبط واول ما نيران تفتح تتفاجئ بيها لسه مغيرتش هدومها 
مريم بزهول انتى بتستهبلى صح ! .. كل دا ولسه قاعده م...
تقاطعها نيران اللى روحها بتتسحب منها انا قلبى مقبوض وخاېفه .. انا حاسه ان فى حاجه 
مريم تقلق من نبره صوتها وتنفسها اللى بتجاهد عشان تخرجه .. تدخل وتقفل الباب عليهم وتحط ايدها على ضهرها بتطبطب عليها 

مريم اهدى بس فى ايه مالك .. دى حفله بسيطه 
نيران بصوت مهزوز لا لا مش الحفله .. انا حاسه پخنقه .. انا مش مرتاحه خالص .. حاسه ان ادهم فيه حاجه 
مريم باستغراب ادهم ! .. وايه اللى فكرك بيه دلوقتى 
نيران مش عارفه انا من الصبح وقلبى مقبوض وحاسه ان فيه حاجه .. انا مش مرتاحه يا مريم وقلبى بيقولى ان فى حاجه 
مريم بتحاول تهاودها يا حبيبتى اهدى .. دى مجرد تهيأوات ...
تقاطعها نيران لا انا متأكده ان في حاجه 
مريم خلاص اتصلى بيه طيب 
نيران تتردد للحظه بس خۏفها اللى تملك منها كان اقوى من كبريائها .. ترفع التلفون وتتصل تلاقيه مغلق .. تفتكر انها شبكه لان احيانا الشبكه بتسقط فى الاوتيل دا .. تتصل تانى وتالت مازال مغلق هنا اټرعبت بجد وحست ان فعلا فى حاجه لان ادهم مش من النوع اللى بيقفل تلفونه او بيسيبه بعيد عنه ودا بسبب الشغل .. تقوم تقف 
نيران وصوتها بدأ يتخنق وكأنها هتعيط شوفتى .. عمره ما قفل تلفونه 
مريم ياحبيبتى طول سفره كان تلفونه خارج الخدمه انتى نسيتى ! .. يعنى وارد جدا يكون قافله 
نيران لا ادهم مادام هنا ومش مسافر بيفضل مفتوح 
مريم مش عارفه ترد تقولها ايه .. هى للاسف مش حاسه باحساس نيران ومش متخيله احساسها ايه .. تبص للوقت وتبصلها طب يا نيران عرض الازياء هيبدأ ودا مهم جدا عندنا .. معلش حاولى تلبسى ونشوف ادهم بعدين هو اكيد بخير 
نيران انا مش قادره انزل مش قادره 
مريم ازاى بس .. الناس كتير اوى تحت مينفعش متنزليش حاولى عشان خاطرى .. 
تفكر فى حاجه تشجعها وبعدين تبتسم.. استنى هوريكى قنوات الاخبار اللى منزله صور الحفله من الصبح 
نيران مش مركزه مع مريم خالص وكأنها فى وادى تانى ومش سامعاها .. مريم تفتح التلفزيون وهى بتبتسم بفخر ان اخيرا هيتزاع خبر عنهم والناس هتبتدى تعرفهم لانها اتفقت مع صحفين على كده .. بتقلب فى القنوات عشان صور الحفله وفى وسط التقليب يجى اسم عيله الشافعى .. نيران تنط من على السرير بسرعه وتقف قدام التلفزيون وتشد منها الريمود وترجع للقناه .. فجأه جسمها قشعر تبص على صور الحاډثه والشريط اللى مكتوب تحت ..توفى الى رحمه الله هارون الشافعى صباح اليوم .. وتعرض ادهم الشافعى واحد موظفينه لحاډث خطېر ومازالت العمليه مستمره وحالتهم حرجه
......... 
نيران كل اعصابها تسيب لدرجه ان الريمود وقع من ايدها ومريم تبص للصور پصدمه .. صورهم وهما جوه العربيه والعربيه متكسره عليهم ووشهم اللى اختفت ملامحه پالدم .. نيران باصه للصور وحاسه ان الارض مبقتش شايلاها والدنيا بتلف بيها .. دموعها تنزل زى الحنفيه وهى باصه للشاشه باستنكار .. وفاتحه بقها بتتفس وكأن الاكسجين اختفى من حواليها .. 
مريم بحزن نيران هيبقى كويس 
مريم اول ما اتكلمت فوقت نيران من الفجوه اللى كانت فيها .. نيران شهقاتها تعلى 
تجرى بسرعه على تحت ومريم تجرى وراها .. نيران تركب العربيه والسواق استغرب .. لكن مريم ركبت معاها بعد ما اعتذرت للناس فى المايك بسرعه بتأجيل الحفله وجريت وراها .. الناس فضلوا يتكلموا واتعصبوا جدا من قله تقديرهم واستهتارهم خصوصا انهم من اكبر رجال الاعمال وبعض الفنانين لكن للاسف محدش يعرف باللى حصل .. السواق خدهم وطلع على الطريق بسرعه ونيران مش بتعمل اى حاجه غير انها بتدعى من قلبها انه يبقى كويس .. وبتقرأ قرأن بنيه شفاءه وكل شويه تزعق فى السواق انه يسرع وهو مش فاهم سبب حالتهم دى .. فى المستشفى .. ادهم خلصت عمليته اللى دامت ٧ ساعات متواصله بسبب حالته الحرجه واتنقل العنايه .. اهله جريوا على الدكتور بسرعه 
انتصار باڼهيار ابنى عامل ايه .. هيفوق صح 
الدكتور باسف حالته حرجه جدا و اتعرض لڼزيف داخلى وقدرنا نوقفه باعجوبه .. وكسور فى كل انحاء جسمه .. خلال ٤٨ ساعه هنحدد حالته 
نديم بقلق ويوسف !!!
الدكتور اتعرض لنفس الكسور لكن الحمدلله مفيش ڼزيف ولا حاجه .. وهو حاليا فى العنايه 
قاسم يعنى الاتنين وضعهم هيستقر اكيد !
الدكتور قولت لحضرتك خلال ٤٨ ساعه هنحدد .. الاتنين خرجوا من